ليه تجرحني وتروح

وأنت لك وجهاً صبوح

ما نسيت أيام شوقك

وعطر بنفاسك يفوح ..!!

كان قلبي قبل صدك

بيت خالي من الجروح

ما سكني غير طيفك

وما جرحني غير قولك :

ياحبيبي ذا نصيبي

يمكن أستأذن وأروح..

القصايدوالجروح

كلها تشهد عليه

والدموع اللي

بعيني تسأله وتقول ليه .. ؟؟

من يعالج قلب عاشق

من حبيبٍ مبتليه ..!!

بألف كلمة وألف معنى

أبعث أشواقي إليه ..!!

ليه يالقاسي .. وليه ..!!..

ضحكته وأسلوب حكيه و الدلع

والحضن دافي ينتهي به كل خوف ..!!

ما توقعته بينسى رغم عن كل الظروف ..!!.

وبعد كل اللي ذكرته

وبلساني جيت قلته

ممكن أسأل يا حبيبي ليه تجرحني وتروح ..!!

شمس الغلا

يا ناس قولوا لها هي الحلا كله
ما فيه وحده من العالم تماريها

شمس الغلا للغلا والشوق محتله
صدق المشاعر لها والقلب مغليها

اشرب هواها غلا واضماه واعله
يسري مع الدم بعروقي ويرويها

يا بري حالي ليا قالت هلا والله
والضحكه اللي ترافقها تحليها

ما اقول فيها الحلا والزين لاوالله
منها الحلا مبتداه وينتهي فيها

عذرا هواها يسم الحال ويسله
واللي نقض جرحي الكامن تغليها

وجسمن تمايل ومجدول(ن) ليا فله
يذوب قلب الهواوي من تثنيها

اليا اجلست شفت بدر الكون في حله
واليا اوقفت كل خلق الله تحييها

واليا اقبلت قلت الا يا حي هالطله
واليا ادبرت تلت المعلوق بيديها

اميرة الحسن مصيونه عن الزله
شمس تحاكي القمر مدري يحاكيها

معشوقتي بالبشر ما مثلها لله
الله من العين يحرصها ويحميها

معاناة

أنا والحزن خلان ورفاقه من.. سنين طوال

سنين طوال أنا وافي معه والحزن ما اوفاني


حزن يقتل بي الفرحه حزن يقتل بي الآمال

حزن حطم شموخي لين شمتوا في. عدواني


تكاثرفيني. الضحكة. تكاثر..في. سجة.. بال

وأنا في ديرتي كني غريبٍ ما له أوطاني


تعذرني وأنا الوافي ولا أعطاني ربع مثقال

أخذ ما في يديني واتركوني كل خلاني


معاناتي مع أحزاني لك الله ما لها مكيال

ادوج بحسرتي واقول ليت الهم .. ينساني


ولا ادر ألا وهو في البال يفتح لي مية.. موال

يوديني.. لشرق . وبعدها. للغرب وداني


على ذا الحال مرت كم سنه وانا على ذا الحال

ليا جيت أخفي أجروح الزمن تفظحني أحزاني


وقلت أصبر عسى الله يفرج الكربه وصبري طال

قرب..سن.المشيب. ولا بدا. للصبر. برهاني

وانا يا حزن يوم إني شربت المر.. بالفنجال

بحروة..عز كاذب..ما دريت. إنك..تحداني


أنا.. يا حزن.. قَضّيت العمر.كله.وأنا. رحال

وأنا.. اللي. سم حاالي. يوم .أنا.المظلوم..والجاني


تعبت..أطرد..ورى..إستقرار. ينهي..سيرة.الترحال

وأنا.البين..وأنا.الخافي...عن ..الأنظار.عنواني


بذلت. أجهود..جباره. ولازال.التعب.لازال

هزايم.هقوتي..تكسر.طموحي. قبل. يلقاني


ألا. يالله..بعاجل. فزعتك.يامبدل.الاحوال

ليا حققت.عشره.بالميه.مانيب.خسراني


أبا أجَمّع.. شتات. سنين .مرت. بي.علي.إثقال

وأبا أطرد.حزني.الكافر..واضّمّد.جرح..حرماني


وانا.. للجار..والعاني.وللضيفان.طيب فال

تعلمت.الوفا.من.سلم..أبوي..وسلم.جداني

أصدق غلا

خذني غلا ياصدق غلا بالعمر يا اصدق أمل

أبغاك تدري وش حصلي يوم طالت غيبتك

حنا سوى بإحساسنا حتى بترتيب الجمل

ظلمك عدل فيني وظلمي لك يعادل طيبتك

لك طلة مثل القمر نصف الشهر يوم اكتمل

حتى النجوم تغيب لا طالعتها من هيبتك

اطلالتك تنسيني ءاهاتي وروتين الملل

واحلى من اطلالتك من ثغرك صدى ترحيبتك

ساعات تسهب بالحكي ساعات يكسيك الخجل

واحترت في روعة خجلك وشوقي التسهيبتك

يا أترف مشاعر بالبشر يا أرق من ضحكة طفل

أنا هنا لكن روحي معك في تغريبتك

ما على الدنيا عتاب

الحقيقه

الحقيقه ما على الدنيا عتاب
بعد بانت غايتك قلبي سلاك

كم رجيتك كم تحديت الصعاب
كم نظمت الشعر فيك أطلب رضاك

لا تجدد جرح قلبي بعد طاب
ما أنت في بالي بعد جرحي نساك

الحياه اهموم والغربه عذاب
والليالي كلها دمعة جفاك

كنت بعيوني وفيك الشوق ذاب
ساكن بذاتي وأنا أتنفس غلاك

كنت بين إحراب عينك واللباب
بين طعن إحرابك ورحمة شفاك

كنت لك كل الحياة بلا حساب
لو طلبت الروح قلت أبشر فداك

منك أخذت أكبر خيانه وانقلاب
وانت أخذت الحب مني واحتواك

همت في حبك وضيعت الصواب
لين وردني على بحر الهلاك